Светската здравствена организација (СЗО) во понеделникот предупреди дека новиот корона вирус има можност да се шири кај асимптоматски пациенти еден до три дена пред да се појават симптоми на болеста.
-Пренесувањето на вирусот сè уште се врши преку капки, „дури и ако сте пре-симптоматско лице, изјавија претставници на СЗО, пренесува СиЕнБиСи.
Од Светската здравствена организација исто така забележаа дека „асимптоматските“ и „непризнаените“ пациенти треба да се разликуваат, бидејќи вторите се незабележани „заради одредени стратегии за надзор“.
Во меѓувреме, СЗО ја пофали и „неверојатната брзина“ со која се вложуваат глобални напори за развој на вакцини и третмани против Ковид-19.
