Џорџ Сорос објави дека ќе инвестира една милијарда долари во проект за универзитетска мрежа. Целта е мобилизација против „постоечките и нидните диктатори“, како и против глобалното затоплување, пренесува Франс прес.
Американскиот милијардер-филантроп говореше на традиционалната вечера, што секоја година ја приредува на Светскиот економски форум во Давос.
Сорос изрази жалење дека Кина, САД и Русија се управувани од „постоечки или идни диктатори“, а бројот на „авторитарни лидери се зголемува“.
