Американскиот сенатор Тед Круз покренува Резолуција за групата радикални левичари, Антифа, да се прогласи за домашна терористичка организација.
Републиканските сенатори Круз и Бил Касиди, во четвртокот, покренаа барање за Резолуција со која милитантна левичарска група на антифашисти Антифа, за која се знае дека напаѓаат политички противници и новинари, ќе се категоризира како терористичка организација.
– Антифа е торористичка организација составена од омразени, нетолерантни радикали кои своите екстремни цели ги постигнуваат по пат на агресивно насилство. Нивните постапки одново и одново се покажуваат како нивна основна цел да нанесат штета на оние кои се против нивните ставови. – нагласи Тед Крус, сенатор од Тексас.
Тој додаде дека како и секоја тероритичка организација одлучиле да ги остваруваат своите политички цели со насилство, страв и заплашување.
– Мора да бидат сопрени. Горд сум што можам да ја претставам оваа резолуција со сенаторто Бил Касиди, за правилно да ги идентификуваме Антифа: домашни терористи. – заклучи сенаторот.
Antifa is a terrorist organization composed of hateful, intolerant radicals who pursue their extreme agenda through aggressive violence. Time and time again their actions have demonstrated that their central purpose is to inflict harm on those who oppose their views.
— Senator Ted Cruz (@SenTedCruz) July 18, 2019
Сенаторот Касиди на Твитер додаде дека Антифа се терористи и маскирани насилници, кои се заштитени со либерални привилегии и наводно се борат против фашизмот.
Во резолуцијата се наведува дека оваа група дијаметрално е спротивна на вредностите на првиот амандман од Уставот на САД, за мирно здружување и слобода на говорот. Документот завршува со повик до федералната влада да ги преземе сите средства во борбата против ширење на домашниот тероризам во САД.
