Покрај забраната за патување, САД воведоа и економски санкции за 17 државјани на Саудиска Арабија кои учествувале во убиството на саудискиот новинар Џамал Кашоги во саудискиот конзулат во Истанбул, Турција.
Според новите санкции, замрзнат е секој имот на 17-те државјани на Саудиска Арабија, а на Американците им е забрането да соработуваат со нив.
Американските власти наведоа дека бараат од Саудиска Арабија целосна истрага за убиството на Кашоги.
Саудиските власти држат во притвор 21 лице, а саудискиот обвинител изјави дека за пет од нив побарале смртна казна.
