Еден човек е осуден на 15 години затвор поради палење на ЛГБТ знаме што било поставено на една црква во Ајова.
Адолфо Мартинез беше прогласен за виновен во средата за уривање и палење на знамето што во јуни беше поставено на Обединетата Христова црква во Амес. Мартинез вели дека го отстранил знамето затоа што верува оти црквата не треба да ја поддржува ЛГБТ заедницата затоа што тоа е место за богослужба, според извештајот на полицијата.
– Ми беше чест да го сторам тоа. Благослов е што Господ е во можност да застане цврст во својот свет против секаква неволја – изјави Мартинез.
Toj додаде дека тоа го направил свесно, намерно и доброволно.
30-годишниот лице се соочува со затворска казна од 15 години, откако беше прогласен за виновен за криминал од омраза, вознемирување од трет степен и рецидивист во кривични дела. Мартинез рече дека е виновен и нема намера да се бори против обвиненијата затоа што „свесно, намерно и намерно“ го запалил знамето.
– Злосторствата од омраза против ЛГБТ заедницата се сериозна работа затоа што тие прават карактеристична емоционална штета на жртвите и носат страв во насочените заедници. Според тоа, вистинската правда треба секогаш да бара да се рехабилитираат, помират и заздравуваат заедниците, рече Кортни Рејес – извршен директор на ЛГБТ организацијата „Една Ајова“.
Рејес вели дека нејзината организација ја разбира сериозноста на злосторството, но не разбира какои строгата казна ја „исполнува некој од наведените цели“.
Обвинителката Џесика Рејнолдс изјави дека Мартинез бил казнет построго за тоа што бил рецидивист и имал долга историја на вознемирување.
– Мислам дека е многу опасен, затоа мојата канцеларија препорача максимална казна – заклучи Рејнолдс.
