Американскиот претседател Доналд Трамп најави дека ќе го потпише законот за одбрана, кој предвидува 738 милијарди долари наменети за сè, од семеен одмор на војниците до борбени авиони.
– Вау, сите наши приоритети влегоа во НДДА: зголемување на платите на нашите војници, изградба на нашата војска, гранична безбедност и вселенски сили – напиша Трамп на Твитер и му порача на Конгресот веќе да не го одложува законот кој тој веднаш ќе го потпише.
Wow! All of our priorities have made it into the final NDAA: Pay Raise for our Troops, Rebuilding our Military, Paid Parental Leave, Border Security, and Space Force! Congress – don’t delay this anymore! I will sign this historic defense legislation immediately!
— Donald J. Trump (@realDonaldTrump) December 11, 2019
Законот за одбрана, познат како НДДА, за да стапи во сила треба да биде одобрен од обата дома на Конгресот. Демократите најавија дека ќе гласаат против.
