Руди Џулијани, адвокат на американскиот претседател Доналд Трамп, ги негираше информациите дека тој побарал дневен хонорар од 20.000 американски долари за тужбите поднесени од шефот на државата во врска со резултатите од претседателските избори.
– Никогаш не барав 20.000 американски долари, изјави адвокатот за Њујорк Тајмс. Според него, самиот Трамп решил да плати за услугите на адвокатите по завршувањето на разгледувањето на тужбите поднесени од републиканците на суд.
Тој негираше извештај на Њујорк Тајмс дека побарал хонорар од 20.000 американски долари. Според изданието, од седиштето на Трамп се вели дека барањата на адвокатот се претерани и нудат помала сума. Весникот пишува дека доколку барањето на Џулијани биде прифатено, тој ќе стане најскапиот адвокат во светот.
– Се согласивме да работиме на ова подоцна, додаде поранешниот градоначалник на Њујорк.
Џулијани во моментот раководи со правните тимови кои го презентираат случајот на Трамп пред судовите. Нивната цел е да докажат дека изборите се фалсификувани и да ја оспорат победата на Џо Бајден.
