Едно лице е рането во пукање во џамија во близина на Осло, а осомничениот е уапсен, соопшти денес норвешката полиција.
-Едно лице е рането. Не ни е познато за какви повреди станува збор. Осомничениот е уапсен, а полицијата е на лице место, соопшти полицијата на Твитер.
Пукањето се случило во исламскиот центар Ал нур во Баерум, предградие на Осло.
Полицијата наведе дека нема информации за можни други напаѓачи.
-Еден наш службеник беше ранет со огнено оружје од страна на белец во униформа, изјави претставникот на џамијата Ирфан Муштаг за локалниот весник Будстика.
