Поради штрајк на вработените кои го пренесуваат багажот на бриселскиот аеродром, откажани се 130 од 550 летови, а до крајот на денот тој број би можел да се зголеми.
Како што пренесува сајтот „ХЛН“ денеска на аеродромот се очекува 70.000 луѓе, а во утре 74.000.
Штрајкот на вработените во компанијата „Авиапартнер“, која се занимава со превоз на багажот почна во четвртокот вечер, а вработените бараат работна облека и опрема.
Поголем дел од патниците на аеродромот чекаат во ходниците, а за поединци кои од утрото чекаат на аеродромот, поставени се кревети. Некои патници чекаат автобуси кои ќе ги пренесат во Амстердам, а аеродромот најави разговори со синдикатите кои се извиниле на патниците со надеж дека наскоро ќе постигнат договор.
Според најавите, штрајкот ќе трае до недела во 6 часот наутро.
