Новиот шеф на Кабинетот на украинскиот претседател, Андриј Јермак, изјави дека ставањето крај на војната во Донбас во интерес на Украина останува еден од приоритетите на претседателот, Володимир Зеленски.
– За претседателот на Украина, за Кабинетот на претседателот Володимир Зеленски, еден од приоритетите секако ќе биде запирање на војната во Донбас во интерес на Украина. Оваа цел останува приоритет – порача Јермак.
Меѓу приоритетите што ги посочи Јермак на брифинг во Кабинетот на претседателот се и надворешната и регионалната политика и привлекувањето инвестиции.
