Американскиот државен секретар Мајк Помпео ја критикуваше одлуката на апелација во Меѓународниот кривичен суд (МКС) за спроведување истрага за можни злосторства од страна на талибанците, САД и авганистанската армија во Авганиста.
– Ова навистина е обесхрабрувачки чекор на еден неодговорен политички орган кој се маскира како суд на правдата – изјави Помпео.
Според него, одлуката е избрзана со оглед на тоа што само неколку денови пред нејзиното донесување САД го потпишале историскиот мировен договор за Авгаиниста, кој, како што истакна Помпео, е најдобра шанса за мир во оваа генерација.
Помпео потсети дека авганистанската Влада побарала од МКС да не оди во таа насока, но дека „политичарите во МКС имаат други цели“.
– САД не се член на МКС и ќе ги преземеме сите неопходни мерки за заштита на нашите граѓани од тој отпаднички, таканаречен суд. Ова е уште едно потсетување за тоа што се случува кога во мултилатералните органи нема контрола и одговорно лидерство, и тие стануваат инструмети на политичка одмазда. МКС денеска на тажен начин го потврди сето она што го укажуваа неговите најгласни критичари во текот на последните три децении – истакна Помпео
