Јужна Америка е најновиот епицентар на пандемијата на Ковид-19, а тоа освен што се манифестира со големиот бој позитивни граѓани на јужноамериканските држави, предизвика позитивни тестови и на неколку високи функционери.
Откако пред неколку дена, беше потврден позитивниот тест на претседателот на Бразил, Жаир Болсонаро, зараза со корона вирусот е потврден и кај претседателката на Боливија, Жанин Ањез.
Таа самата ја соопшти веста, објавувајќи видео на социјалните мрежи во кое информира за својот позитивен тест и објаснува дека се чувствува добро.
Ќе ги извршувам своите обврски од дома. Заедно ќе излеземе од оваа криза – порача Ањез.
He dado positivo a Covid19, estoy bien, trabajaré desde mi aislamiento. Juntos, vamos a salir adelante. pic.twitter.com/oA4YVYlZFa
— Jeanine Añez Chavez (@JeanineAnez) July 9, 2020
Освен Ањез, уште неколку членови на нејзиниот Кабинет се позитивни на вирусот, меѓу кои се и министрите за здравство и за рударство.
Според последните податоци на универзитетот Џонс Хопкинс, во Боливија има повеќе од 44 илјади заразени и 1.638 починати од пандемијата на Ковид-19.
