Извршниот директор на Ферари, Луис Камилери ја објави својата одлука да ја напушти функцијата во италијанската компанија. Тој веќе ја поднел оставката и веднаш ја напушта Скудерија, како што вели – од лични причини.
Неговите должности привремено ќе ги преземе претседателот на Ферари Џон Елкан, а одлуката за назначување нов човек на оваа функција ќе ја донесе подоцна одборот на директори.
Неговата одлука е големо изненадување за бордот на директори.
Камилери стана извршен директор на Ферари во јули 2018 година, непосредно пред смртта на Серџо Маркионе. Тогаш Џон Елкан ја презеде претседателската функција.
