Рускиот инженер Сергеј Савицки го нападнал својот колега Олег Белогузов во руската станица „Белинсхаузен“ на Антарктикот, бидејќи му го открил крајот на книгата.
Руските инженери Сергеј Савицки и Олег Белогузов станаа главна тема во светските медиуми по кавгата која можела да заврши дури и со смртен исходот. Она што многумина ги изненади е причината зошто овие двајца колеги се скрале.
Со оглед на тоа што и двајцата многу сакале да читаат книги, а Олег имал иритирачка и постојана навика да го открие крајот на книжевното дело, Сергеј не успеал да го исконтролира својот бес и го нападнал колегата.
Како што пишуваат руските медиуми, на 9 октомври во руската станица „Белинсхаузен“, тој го нападнал Белогузов со нож со намера да го убие.
Савицки е депортиран во Русија и во моментов е во куќен притвор каде што чека судење, а како што пренесуваат руските медиуми, по инцидентот тој рекол дека му е многу жал што настанала таква ситуација. Исто така, открил дека алкохолот влијаел на неговата психичка состојба.
Белогузов е надвор од животна опасност, а по нападот веднаш бил пренесен во Чиле со убодна рана во градите. Ножот му го повредил срцето поради што завршил на интензивна нега, но е надвор од животна опасност.
Инаку, колегите од мисијата на Антарктикот минале неколку години заедно на изолирана локација и се страсни љубителите на книгите. Освен времето за читање, вработените во руската станица на Антарктикот имаат и други видови забава – имаат пристап до руски ТВ-канали, спортска сала и библиотека.
Сергеј Савицки влезе во историјата како прв човек обвинет за обид за убиство на Антарктикот.
