Министерството за здравство на Обединетите Арапски Емирати регистрираше експериментална вакцина против коронавирусот, произведена од Националната фармацевтска група на Кина (Синофарм), откако клиничките испитувања во доцната фаза покажаа дека е за 86 проценти ефикасна.
Според Министерството, анализата покажува „99 процентна стапка на неутрализирачки антитела и 100 процентна ефикасност во спречување на умерени и тешки случаи на болеста“.
Тие додадоа дека за време на испитувањата не биле пријавени сериозни проблеми со безбедноста на вакцината.
Испитувањата во Обединетите Арапски Емирати, земја со околу девет милиони жители, ги спроведува Кинеската национална биотек група (CNBG), Група 42 за вештачка интелигенција , со седиште во главниот град Абу Даби; и Министерството за здравство во Абу Даби.
