Бомбашки напад е изведен врз полициска станица во градот Сурабаја, Индонезија, утрово.
Во новиот бомбашки напад се повредени четири полицајци и шест цивили.
„Јасно е дека ова е самоубиствен бомбашки напад“, изјави портпаролот на полицијата од Источна Јава, Франс Барунг Мангера.
Најновиот бомбашки напад врз полициска станица во Индонезија е извршен од петчлено семејство, вклучително и осумгодишно дете, објавија агенциите. Тие се довезле до два мотоцикли и се разнеле на контролен пункт пред полициската станица во Сурабаја, вториот најголем град во Индонезија, на индонезискиот остров Јава, изјави шефот на полицијата Тито Карнавијан. Според него, детето преживеало.
UPDATE:
Death toll from bomb attack on police HQ in Indonesia’s Surabaya city rises to 13 pic.twitter.com/G9lKwNEGMs— Press TV (@PressTV) May 14, 2018
Најмалку 10 лица се повредени во новиот напад, вклучувајќи четворица полицајци.
Вчера во самоубиствени бомбашки напади врз три цркви во Сурабаја беа убиени најмалку 13 лица, а 40 беа ранети. Одговорноста за овие напади ја презеде Исламска држава.
Тито Карнавијан вчера изјави дека нападот врз трите цркви го извршиле членови на истото семејство – татко, мајка и четири деца на возраст од девет до 18 години.
