Пожарите во Амазонските прашуми, најверојатно, го забрзале топењето на глечерите на Андите, потенцијално загрозувајќи снабдување со вода за десетици милиони луѓе, соопштија тим научници во Бразил.
Научниците го проучувале ефектот што чадот од пожарите го предизвикува врз глечерите во Андите. Според нивто истражување, ветровите носат честички од пепел стотици километри подалеку и им овозможуваат да се акумулираат во снег и мраз.
Проучувајќи ги моделите на пожари помеѓу 2007 и 2010 година, кога тие беа на нивниот врв, тимот научници откриле дека аеросолите со согорување можат да засилат топење на глечерите со зацрнување на нивната површина и намалување на можноста на глечерите да ја рефлектираат сончевата светлина.
Загадувачи како црн јаглерод и прашина се заробени во горните слоеви на глечерите и поради потемна површина на глечерите, темпото на топење се забрзува до 14 проценти.
Повеќе од 75 милиони луѓе зависат од водата од глечерите на Андите, вклучувајќи ги и земјоделците во областа.