Најмалку 25 луѓе загинале во поплавите предизвикани од монсунски дождови во индиската држава Тамил Наду, а повеќе стотици луѓе се евакуирани, соопштија локалните власти.
Според индиските медиуми, 17 луѓе загинале кога поради дождот се урнал ѕид во градот Коимбаторе, а осуммина ги загубиле животите во други инциденти предизвикани од поројните дождови.
Властите тврдат дека ситуацијата во Ченај е ставена под контрола.
Во монсунските дождови во Тамил Наду во 2015 година загинаа повеќе од 250 лица.
