Ирачката Kомисија за човекови права соопшти дека во судирите со безбедносните сили и демонстрантите на југот на земјата, повредени се 120 лица.
Високиот ирачки Комитет за човекови права јави дека безбедносните сили испукале солзавец и користеле боева муниција за да растераат стотици демонстранти во близина на пристаништето Ум Каср во Персискиот залив, пренесе „АП“.
Комисијата соопшти дека голем дел од повредените се хоспитализирани во градските болници.
Десетици илјади Ирачани протестираат, главно во главниот град Багдад и јужните региони, од минатиот месец, барајќи измени во политичкиот систем воспоставен по инвазијата од 2003 на САД, и според нив има раширена корупција, висока невработеност и лоши јавни услуги.
Безбедносните сили убија десетици демонстранти во досегашните судири.