Една 21-годишна жена во Индија наводно извршила самоубиство затоа што нејзиниот сопруг постојано и забележувал поради темниот тен на кожата.
Полицијата во индиската држава Раџастан покренала истрага против сопругот, откако таткото на девојката пријавил дека тој е виновен за нејзиното самоубиство, затоа што постојано ја понижувал поради бојата на кожата. Засега сопругот не е уапсен.
Ова не е првпат во Индија некоја жена да изврши самоубиство поради бојата на кожата, затоа што многу Индијци сметаат светлиот тен е подобар од темниот.
Една жена во 2014 година изврши самоубиство затоа што нејзиниот маж постојано и се смеел поради бојата на кожата, а минатата година 14-годишна ученичка се уби затоа што врсниците од одделението и се потсмевале и ја нарекували со погрдни имиња затоа што била „темна“.
Како што наведуваат медиумите, сите тие инциденти укажуваат колку е опасна опседнатоста на Индијците со бојата на кожата.
Девојките со потемна боја на кожа најчесто од мали се изложени на потсмев во училиштата, на игралиштата, па дури и дома меѓу роднините коишто имаат посветол тен.
