Денес, Сундар Пичаи е директор на една од најголемите светски компании Гугл, но имаше тешки почетоци.
За време на неодамнешниот говор, тој ги откри своите скромни корени и ги повика младите да не губат надеж и трпеливост.
Пичаи раскажа со какви предизвици се соочил кога дошол во САД од Индија пред 27 години.
“Татко ми потроши еднаква на годишна плата на мојот авионски билет за Соединетите држави за да можам да присуствувам на Стенфорд. Тоа ми беше прв пат во авион”, рече Пичаи, додавајќи дека кога на крајот слетал во Калифорнија, работите не биле како што тој замислил.
Америка тогаш била многу скапа за него
„Телефонскиот повик дома беше повеќе од 2 американски долари во минута, а ранецот чинеше исто колку и месечната плата на татко ми во Индија“, рече тој.
Тој рече дека кога првпат дошол во Калифорнија, не можел да ги предвиди промените што дошле подоцна, пишува Бизнисинфо.
„Единственото нешто што ме донесе овде каде што сум сега, освен среќата, беше длабока страст кон технологијата и отворен ум“, рече 48-годишниот директор
Тој се приклучи на Гугл во 2004 година.
