Грчкиот премиер Киријакос Мицотакис предупреди дека Европската унија нема да се согласи на политичко решение на либискиот конфликт доколку Турција и Либија не се откажат од договорот за делимитаризација на поморските граници, што беше потпишан во ноември.
Меѓународно признатиот либиски премиер, Фајез Сараџ, неделава изјави дека неговата земја ќе се најде пред катастрофална ситуација доколку странските сили не извршат притисок врз генералот Калифа Хафтар да ја крене нафтената блокада.
Во дискусија на Светскиот економски форум во Давос, Мицотакис пред сите засегнати страни кажал дека никакво политичко решение за Либија нема да добие согласност од ЕУ доколку договорите со Турција не бидат повлечени.
Европската унија, исто така, се изјаснува против договорот меѓу Турција и Либија за поморскиот простор.
