Наспроти сите критики, германската канцеларка Ангела Меркел ја отфрли можноста порано да си замине од функцијата.
„Жива и здрава сум, и планирам да продолжам со својата работа“ изјавила Меркел во интервју за „Аугзбургер алгемајне“.
Германската канцеларка повторно ги отфрли барањата на опозицијата за изгласување недоверба и најави дека во декември повторно ќе се кандидира за лидер на партијата.
Меркел, која е канцеларка од 2005 година, последните недели е под големи притисоци, поради смената на шефот на германската разузнавачка служба, Ханс Георг Масен.
Таа упати јавно извинување минатата недела, признавајќи дека во тој случај направила грешка.
