Двајца Американци со оружје в рака ги пречекаа демонстрантите од движењето „Црните животи вредат“ (Black Lives Matter), откако толпата мина пред нивниот дом во Сент Луис, Мисури.
Мажот, Марк МекКласки, во рацете носеше полуавтоматска пушка АР-15, а сопругата Патриција МекКласки носеше пиштол. И двајцата се белци, додека повеќето демонстранти, како што може да се види на снимките објавени на социјалните мрежи, биле Афроамериканци.
Видеото на „Твитер“ меѓу другите го сподели и американскиот претседател Доналд Трамп.
A couple pointed guns at protesters in St. Louis as a group marched toward the mayor’s home to demand her resignation. https://t.co/5EqDd43QCd pic.twitter.com/KWNaif77ch
— ABC News (@ABC) June 29, 2020
Толпата од неколку стотици демонстранти марширала низ населбата Портланд Плејс кон куќата на градоначалничката Лајд Кревсон, за да протестираат поради нејзиниот потег кој ги налути: јавното читање на имињата и адресите на луѓето кои ја поддржуваат контроверзната кампања за укинување на средствата наменети за полицијата (Defund the Police), која некои критичари ја толкуваат како повик за укинување на органите на редот.
Демонстрантите марширале по улици на таканаречена оградена заедница.
They weren’t “in public.” They were on private property — but nice of you to omit that the mob broke through a gate and into a private residential neighborhood. MO recognizes castle doctrine your shame attempt here is absolute garbage. https://t.co/1Aivw0NxXB
— Dana Loesch (@DLoesch) June 29, 2020
Со нив низ населбата влегол и локалниот новинар Даниел Шулар, кој го снимил виралното видео, а толпата се решила на ваков потег со цел да го скрати патот и да ги заобиколи препреките и барикадите поставени на патот до куќата на градоначалничката.
