Новоизбраниот претседател на Белорусија, Александар Лукашенко, денеска положи заклетва за нов мандат.
Лукашенко положи заклетва на тајна церемонија на инаугурација во Палатата на независноста, пренесува Дојче веле. Церемонијата се одржа тајно и без претходна најава.
Според агенцијата Белта, неколку стотици луѓе биле поканети да присуствуваат на церемонијата.
Ова вклучувало високи функционери, членови на Претставничкиот дом и Советот на Републиката, раководители на државни тела и организации, локални и извршни тела, национални медиуми, научници, културни и спортски претставници.
Лукашенко положи заклетва на белоруски јазик. Потоа, тој го потпиша актот за давање заклетва, а претседателката на Централната изборна комисија, Лидија Јермошина, му го врачи сертификатот за претседател на Република Белорусија.
