Американските власти го прекинаа тестирањето за коронавирус, што беше иницирано во Сиетл на иницијатива на Бил Гејтс. Програмата на Гејтс во Сиетл требаше да биде тест за формирање на поширок систем за набљудување на вирусот во САД.
Американската администрација за храна и лекови (ФДА) наредила прекинување на стотиците тестови на ден во Сиетл, што биле иницирано од милијардерот Бил Гејтс, пренесе РТ.
Гејтс објави дека 300 луѓе дневно ќе бидат тестирани преку програмата SCAN (Seattle Coronavirus Assessment Network), но сега е објавено дека програмата е „во моментов на пауза поради судир со ФДА“.
Програмата на Гејтс претходно беше одобрена од Министерството за здравство во Вашингтон, но подоцна било утврдено дека експерименталното тестирање за коронавирусот бара дозвола од федералните власти.
ФДА побара дополнителни информации за програмата SCAN, која ги тестира луѓето кои немаат симптоми на коронавирус засновани на брисеви од нос.
I’m hopeful that this program will improve our understanding of the coronavirus outbreak in Seattle and provide valuable information about the virus for other communities around the world. https://t.co/wnFarp28ys
— Bill Gates (@BillGates) May 13, 2020
Гејтс изјави дека оваа програма треба да биде тест за формирање на „систем за надзор за ширење на вирусот“, а истиот го спроведуваа пет здравствени организации од Сиетл. Програмата требаше да послужи како примерок во кој ќе се видат резултатите од тестот на луѓето кои имаат, но и оние кои немаат симптоми, односно како се шири вирусот, кој е најзагрозен и дали помагаат мерките за физичко растојание.
