Шефот на иранската дипломатија Мохамад Џавад Зариф порача дека САД би требало да се вратат на нуклеарниот договор од 2015 година помеѓу Иран и светските сили.
Зариф на тѕвитер наведе дека новите американски санкции кон Техеран ја покажуваат неуспешната политика на Вашингтон.
– Наместо да се вкопуваат уште подлабоко, САД треба да ја напуштат неуспешната политика и да се вратат во ЈЦПОА (нуклеарниот договор од 2015 година) – напиша Зариф.
Subjecting construction workers to #EconomicTerrorism only manifests maximum failure of “maximum pressure”.
US can sanction every man, woman & child but Iranians will never submit to bullying.
Rather than dig itself deeper, US should abandon failed policies & return to #JCPOA.
— Javad Zarif (@JZarif) November 1, 2019
Зариф додаде дека подложувањето на градежните работници на економски тероризам манифестира максимален неуспех на максималниот притисок.
– САД можат да го санкционираат секој маж, жена и дете, но Иранците никогаш нема да се покорат на насилството – истакна Зариф.
САД воведоа нови санкции за иранскиот градежен сектор и на трговијата со материјали што се користат за воената и нуклеарна програма на Иран.
Во 2015 година, САД, Кина, Русија, Франција, Велика Британија и Германија со Иран потпишаа акциски план кој предвидуваше, меѓу другото, нуклеарно разоружување на Техеран, во замена за постепено укинување на санкциите врз земјата. Но, администрацијата на Доналд Трамп минатата година одлучи да се повлече од мултилатералниот договор и повторно воведе санкции кон Иран.
