Само денеска во поплавите животот го загубија околу 186 луѓе со што бројот се зголеми на над 300 загинати, соопштија властите и додаваат дека стравуваат дека ваквата бројка би можела и натаму да расте. Загриженоста кај властите е уште поголема посебно поради предупредувањето на државната метеоролошка служба, која посочи дека дождови може да се очекуваат и во наредните денови.
Обилни дождови во јужната држава Керала има повеќе од една недела. Досега надојдената вода направи штета на стотици објекти. Голем број на граѓани останаа без покрив над глава, а досега над 100.000 луѓе се сместени во прифатни кампови.
