Извршниот директор на Меѓународната агенција за енергија (ИЕА), Фатих Бирол, откри во четвртокот дека очекува глобалното складирање на нафта потенцијално да се наполни до средината на јуни. Прогнозата на ИЕА за глобалната побарувачка на енергија ќе падне за 6% оваа година, како резултат на пандемијата на корона вирус, што би бил најголемиот пад досега регистриран.
-Ова е историски шок за целиот енергетски свет, истакна Бирол, додавајќи дека ИЕА смета дека побарувачката за нафта опаѓа, бидејќи земјите ширум светот остануваат под мерки за заклучување поставени за да го ублажат влијанието на пандемијата од корона вирусот.
– Во услови на денешните неспоредливи здравствени и економски кризи, намалувањето на побарувачката за скоро сите поголеми горива е зачудувачко, особено за јаглен, нафта и гас, рече тој.
Покрај тоа, Бирол ја повика Организацијата на земјите извознички на нафта (ОПЕК) и нејзините сојузници (ОПЕК +) да размислат за спроведување на понатамошни намалувања на производството со цел да помогнат во стабилизацијата на пазарот.
