Интервјуто со каталонскиот сепаратист Карлес Пуџдемон беше емитувано на шпанската јавна телевизија од хакери кои ја презеле програмата и ја замениле со руската РТ, пренесува „Гардијан“.
Така, програмата Шпанија +24 прикажа интервју со Пуџдемон и со поранешниот претседател на Еквадор, Рафаел Коре. Во интервјуто кое е дел од РТ серијата наречена ,,Разговори со Коре”, Пуџдемон повтори дека нема решение за каталонскиот проблем освен независност.
Првата жена на РТ, Маргарита Симонијан, уживала во овој срам за шпанската телевизија, но рече дека мрежата што ја води не е одговорна.
Не знаеме кој го сторил тоа, но беше прекрасно, изјави таа.
Првиот што го пријавил инцидентот бил весникот „Ел Комерсио“, чии извори од телевизијата потврдија дека станува збор за хакерски напад. Пред две години, шпанската влада објави дека голем број лажни тврдења на социјалните мрежи за политичката криза во Каталонија дошле од Русија.
Да потсетиме дека, по одржувањето на нелегалниот референдум за независност пред две години, Пуџдемон избега од Шпанија во Белгија за да избегне апсење, а белгискиот суд деновиве информира дека постапката за екстрадиција е одложена на неопределено.
