Австралиската морнарица евакуираше околу 1.000 туристи и жители заробени во запалениот град Малакута на брегот на Викторија, јави Би-Би-Си.
Во петокот луѓето беа однесени на два бродови, каде има неколку стотици кревети, а локалниот пратеник Дарен Честер ја нарече евакуацијата „масовно преместување на цивили без преседан“.
Околу 4.000 луѓе избегаа на плажа во понеделникот вечерта , бидејќи пожарите ја опколија Малакута. Патиштата се отечени, а војската во четвртокот евакуираше околу 60 луѓе. Воздухот е полн со чад, а понатамошната евакуација е тешка.
Евакуацијата, како што истакнува Би-Би-Си, е доброволна . До четврток вечер, 963 лица се пријавиле за евакуација на чамците, а уште неколку лица се пријавиле во петокот наутро. Ним им беше дозволено да ги носат своите миленици со себе. Понатамошна евакуација преку море е можна и зависи од побарувачката.
Премиерот на Викторија Даниел Ендрус прогласи вонредна состојба за шест области и одморалишта, вклучувајќи ја и Малакута.
„Некои ќе сакаат да заминат, некои со задоволство ќе останат“, рече тој
Високи температури и силниот ветер се прогнозираат за викендот, што доведува до „распространет екстремен ризик од пожар“. Во другите делови на Викторија, луѓето беа евакуирани по копно, во конвои. Има и големи редици на железничките станици.
„Се прегнозира невреме и грмотевици“, предупреди комесарот за одговор при итни случаи на Викторија, Ендру Крип, повикувајќи ги луѓето да го напуштат просторот што е можно поскоро.
– Ова е вашата шанса да излезете од таму. Не се само постојни пожари, туку и нови што би можеле да започнат денес.
