Германската Влада денеска процени дека светот се соочува со пандемија од новиот корона вирус и потврди дека ситуацијата ја смета за „многу сериозна“ со оглед дека тоа дека бројот на заразени не престанува да се зголемува.
-Епидемијата на новиот коронавирус во Кина се претвори во светска пандемија, рече министерот за здравство Јенс Шпан пред германскиот Парламент во Берлин.
Соочен со здравствена криза, министерот ја потврди подготвеноста на Владата „да го забави и ограничи ширењето на новиот корона вирус во Германија и регионите погодени од тој вирус.“
Паралелно со зголемувањето на бројот на заразени пациенти кои се примени во болници, германскиот министер, меѓу другото, ја објави можноста за одложување на некои операции што не се итни.
