Француските здравствени власти ќе обезбедат бесплатни тестови без упат за корона вирус, додека внимателно го следат зголемувањето на бројот на заразени лица по укинувањето на мерките за карантин.
Новите владини одредби предвидуваат ПЦР тестовите на брис од нос, со кои се открива заразата со корона вирус, да бидат бесплатно достапни на барање на секој граѓанин.
Франција досега регистрира 30.192 смртни случаи како резултат на корона вирусот и вкупно 180.528 заразени.
Во земјата во еден ден има повеќе од 1.000 новозаразени, што отприлика е просек на дневниот број на заразени откако во мај се олеснети двомесечните карантински мерки.
