Француските здравствени власти соопштија во вторникот дека бројот на смртни случаи на корона вирус се искачил за 1.417 од последното дневно ажурирање и достигна 10.328. Властите истакнаа дека бројката вклучува пациенти болни од корона вирус кои починале во болници, како и старечки домови.
Вкупниот број на новоинфицирани со Ковид-19 во Франција денеска се зголеми за 11.059 лица, со што вкупниот број на заразени од првиот случај во земјата изнесува 109.069 лица.
Во меѓувреме, француското Министерство за внатрешни работи објави дека на сите луѓе кои влегуваат во земјата од среда ќе им биде потребно уверение.
