Американскиот претседател Доналд Трамп вети дека новоизградениот ѕид против мигрантите, освен низ Ново Мексико и Тексас, ќе се протега и низ Колорадо, иако таа американска сојузна држава вооопшто не се граничи со Мексико.
– Тоа ќе биде величествен ѕид, голем ѕид што ќе ја исполни својата задача, па мигрантите нема да можат да се провлечат ни преку него, ни под него – изјави Трамп во текот на своето обраќање во Пенсилванија.
По говорот, на социјалните мрежи веднаш се појавија бројни реакции по кои Трамп објави твит во кој тврди дека ѕидот во Колорадо го споменал „само како шега“.
– Не градиме ѕид во Колорадо, но сите ќе имаат корист од ѕидот што го споменав“, напиша американскиот претседател на Твитер.
(Kiddingly) We’re building a Wall in Colorado”(then stated, “we’re not building a Wall in Kansas but they get the benefit of the Wall we’re building on the Border”) refered to people in the very packed auditorium, from Colorado & Kansas, getting the benefit of the Border Wall!
— Donald J. Trump (@realDonaldTrump) October 24, 2019
Ѕидот, долж границата со Мексико, што треба да ја спречи илегалната миграција беше во центарот на претседателската кампања на Трамп во 2016 година, кога тој победи, но се доцни со неговата изградба бидејќи Конгресот одбива да му одобри финансиски средства.
