Премиерката на Финска, Сана Марин, во неделата објави дека се омажи за својот партнер со кого е во врска 16 години, по осум месеци откако ја презеде функцијата премиер како најмладата личност во земјата што ја има таа функција досега.
Марин објави на Инстаграм дека се омажила за Маркус Раиконен, објавувајќи фотографија од свадбата каде невестата е облечена во бело, со бели цвеќиња во рацете, додека младоженецот е облечен во класичен костум.
Среќна сум и благодарна што можам да го споделам животот со човекот што го сакам. Од сите , ти си за мене вистинскиот. Ти благодарам што си со мене – напиша Марин.
Финската влада објави дека во саботата се одржала мала церемонија во резиденцијата на официјалниот премиер во Хелсинки и дека присуствувале 40 лица.
Марин го запознала Раиконен кога двајцата имале по 18 години. Тие се родители на двегодишно девојче Ема.
