Европската комисија денеска усвои правило за задолжително одобрение за извоз на вакцини против Ковид-19, за оние кои се произведуваат на територијата на ЕУ и кои се однапред договорени со потпишани договори за набавка.
Комисијата наведува дека земјите од соседството на ЕУ и оние опфатени со механизмот Ковакс ќе бидат изземени од таа мерка.
– ЕУ целосно ќе ги почитува своите хуманитарни обврски и ќе обезбеди вакцини ветени на други земји, наведуваат од Комисијата.
Потпретседателот на ЕК, Валдис Домбровскис, вели дека мерката за авторизација на извоз е донесена по итна постапка, а целта е веднаш да се обезбеди целосна транспарентност во врска со производството на вакцини и нивно доставување, но и да се обезбеди испорака на нарачани вакцини од страна на ЕУ.
– Вакцините се клучни за закрепнување на економијата и завршување на пандемијата. Испораката до нашите граѓани е најважната задача во моментот. Сакаме да обезбедиме да се испчитуваат сите договори за однапред порачани вакцини, нагласи Домбровскис.
Поврзани вести
Имаше грешки во нарачките за вакцини во Брисел, призна потпретседателот на ЕК
ЕК: Македонија нѐ информираше дека не ги исполнува критериумите за Солидарниот фонд
