Свет 14. ноември 2019. / 10:36

Ердоган разочаран од одлуката на САД: Ова може да фрли длабока сенка на билатералните односи

Ердоган разочаран од одлуката на САД: Ова може да фрли длабока сенка на билатералните односи

Претседателот на Турција, Реџеп Тајип Ердоган изјави дека неговата земја е „длабоко повредена“ со резолуцијата на Претставничкиот дом на Соединетите Држави, која масакрите врз Ерменците извршени од Турците пред повеќе од 100 години ги призна како геноцид.

Овој потег беше јасен приговор за Турција поради нејзината инвазија во северна Сирија, проценува АП.

Ердоган на прес-конференција во Белата куќа рече дека мерката потенцијално може да фрли длабока сенка на нивните билатерални односи.

Историчарите проценуваат дека до 1,5 милиони Ерменци биле убиени меѓу 1915 и 1917 година, а многу научници сметаат дека тоа е прв геноцид во 20 век. Турција ја оспорува таа дефиниција.

Ердоган посочи дека носителите на одлуките за настанот пред 104 години треба да бидат историчари, а не политичари.