Турскиот претседател Реџеп Тајип Ердоган соопшти дека планира наскоро да испрати копнена војска на северот од Сирија, пренесува телевизијата НТВ.
–Нашите борбени и извидувачки дронови и хеликоптери сега се во регионот и продолжуваме со префрлање на војската на граница. Наскоро очекуваме нашите копнени сили да влезат таму – изјави Ердоган.
Медиумите вчера пишуваа дека турската команда се префрлила на сириската граница, во подрачјето во кое се наоѓаат турско-американскиот Центар за изведување заеднички операции и оклопната техника.
