Турскиот претседател Реџеп Тајип Ердоган во одговор до американскиот претседател Доналд Трамп рече дека ќе бидат спасени уште повеќе животи кога ќе се победи тероризмот, јави агенцијата Анадолија.
– Господине претседателе, многу повеќе животи ќе бидат спасени кога ќе го победиме тероризмот, најголемиот непријател на човештвото. Сигурен сум дека нашите заеднички напори ќе придонесат кон мирот и стабилноста во нашиот регион– напиша Ердоган на Твитер.
Тој додаде дека напорите кои ги преземаат САД и Турција ќе придонесат за мирот во регионот.
Како што потсетува Анадолија, Трамп претходно на Твитер напиша: „Имаме убави вести од Турција, ќе бидат спасени милиони животи”.
