Во големата фабрика за муниција во Нижњиновогородската област во Русија, дошло до голема експлозија, а во инцидентот има загинати и голем број на повредени лица.
Инцидентот се случил во погонот за производство на амонијак во компанијата „Свердлов“ во градот Џержинск, откриваат руските медиуми. Според прелиминарните информации, најмалку три лица го загубиле животот, а неколкумина се повредени. За уште три лица се трага, а се стравува дека би можеле да се наоѓаат под рушевините.
Explosion in #Dzerzhinsk (city named after NKVD gang founder Felix Dzerzhinsky) on the new 500kg land-mine production on plant named after Sverdlov (author of Red terror Yakov Sverdlov) https://t.co/grhAyk56dl pic.twitter.com/L8CkfTbZ4I
— Protest SPb (@ProtestSPb) August 31, 2018
Од експлозијата избил пожар на површина од околу 100 квадратни метри кој што се ширел со голема брзина, па пожарникарите се обидуваат да го локализираат и изгаснат. Околностите на инцидентот моментално се разјаснуваат, пренесуваат руските медиуми.
Фабриката „Свердлов“ е една од најголемите фабрики за производство на муниција во Русија. Фабриката произведува широк спектар на индустриски експлозивни материјали, детонатори, алатки за дробење на тешки материјали во рударската индустрија и полнења за нафтената и гасната индустрија.
