Британскиот премиер Борис Џонсон сака со закон да забрани какво било продолжување на преодниот период по официјалното излегување на Велика Британија од Европската унија на 31 јануари.
– Минатата недела народот гласаше за влада што ќе го оствари Брегзит и ќе и овозможи на земјата да оди напред. И тоа е токму она што имаме намера да го направиме оваа недела – информира извор од Даунинг стрит 10.
Изворот додава дека нивната програма јасно укажала дека нема да се продолжи преодниот период и новиот закон за спроведување на договорот за излез од ЕУ со закон ќе и забрани на Владата да прифати какво било продолжување што би дошло по 2020 година.
