Британскиот премиер Борис Џонсон им служеше божиќен ручек на британските трупи за време на посетата на мисијата на НАТО во Естонија.
Џонсон ја посети воената база Тапа во близина на Талин, посакувајќи им среќен Божиќ на војниците.
Вкупно 850 британски војници, кои се стационирани во оваа воена база, го претставуваат најголемото британско оперативно распоредување во Европа.
–Следните неколку дена сите во нашата земја ќе слават Божиќ со нивните семејства, а вие ќе бидете тука, далеку од дома, на ова студено место. Она што го правите вие е навистина важно, бидејќи сите во нашата земја можат да имаат мирен и безбеден Божиќ, благодарение на она што го правите вие тука. Тоа покажува дека НАТО функционира и дека НАТО е алијанса на која ние како земја сме апсолутно посветени – им порача Џонсон на британските војници.
