Двајца малолетни Палестинци во четвртокот со нож нападнаа израелски полицаец во Ерусалим, при што еден од напаѓачите веднаш бил убиен, соопштија од израелската полиција.
На видео снимката која е објавена на израелската национална телевизија, а потоа се прошири и на социјалните мрежи, може да се види како напаѓачите му приоѓаат на полицаецот кај ѕидините од капијата на Стариот град, извлекуваат ножеви и го напаѓаат.
Полицијата потоа отвори оган, а како што потврдија од министерството за внатрешни работи на Израел, двајцата напаѓачи биле малолетни. Портпаролот на израелската полиција Мики Розенфелд откри дека вториот напаѓач бил пренесен во болница, а повредите кои што ги добил полицаецот биле од умерен интензитет.
Од палестинското Министерство за здравство потврдија дека ден од палестинските напаѓачи бил убиен.
