Германскиот суд денеска осуди двајца мажи на затворска казна во најстрашниот случај на сексуално злоставување деца во историјата на земјата.
Двајцата се осудени за сексуалн злоставување девојчиња и момчиња на возраст од 3 до 14 години и за правење над 450 примероци детска порнографија. Мажите кои судот ги именува како Андреас В. на 56 годишна возраст и Марио С. на 34 години , добија затворски казни од 13 и од 12 години.
По издржувањето на затворската казна и двајцата ќе престојуваат во превентивен притвор на неопределено.
Двајцата , заедно со трето осомничениот Хајке В. меѓу 1998 и 2018 во камп во шумата Лугде во Германија , сексуално злоставувале над 40 деца. Андреас постојано живеел во кампот , а меѓу жртвите била и неговата посвоена шестгодишна ќерка , која според обвинението , му служела како мамка за привлекување други деца.
Со снимките од децата , тие трггувале на ,,Дарквеб” . Властите велат дека од групата заплениле десет компјутери, девет мобилни телефони, повеќе од 40 хард дискови и околу 400 други уреди за складирање на податоци како доказ за злоупотребата.
Целиот овој случај ја шокира нацијата, особено кога се дозна дека полицијата „изгубила“ некои докази и дека и покрај претходните наводи за сексуален напад, на Андреас В. му било дозволено да остане старател на шестгодишното девојче во 2016 година. Во моментов се води истрага за тоа како и кој му дозволил да му биде одобрено такво нешто.
