Најмалку 20 вработени во палатата на авганистанскиот претседател се позитивни на корона вирус.
Дваесет лица во претседателската палата се заболени од Ковид-19. Тоа се крие за да се спречи паника – изјавил претставник на авганистанската влада за француски медиуми.
Друг официјален претставник го потврди бројот, додавајќи дека уште 12 се откриени меѓу вработените во административната канцеларија на претседателот Ашраф Гани.
Властите не ја потврдија ниту демантираа таа информација досега.
Засега нема информации од властите дали претседателот Гани (70) е заразен.
Не можам тоа да го потврдам ниту демантирам – изјави Вахид Мајар, портпарол на МИнстерствотоз аздравство.
Како што пренесува Гардијан, Гани ги прекинал речиси сите контакти во живо со персоналот, работи преку дигитални платформи, и се среќава со многу тесен круг соработници. Се верува дека вирусот навлегол во претседателската палата преку контаминиран документ од друга институција.
