Турција ја осуди одлуката на Претставничкиот дом на американскиот Конгрес да го признае ерменскиот геноцид. Најостар во реакцијата беше шефот на турската дипломатија Мевлут Чавушоглу, кој ја нарече таа одлука срамна.
Турските реакции доаѓаат откако Претставничкиот дом на САД изгласа признавање на геноцидот на народот на Ерменија од страна на Османлиската империја. Според прес службата на Претставничкиот дом, за одлуката гласале 405 конгресмени, а 11 биле против.
Во реакцијата на Чавушоглу се наведува дека САД со таа одлука се обидуваат да се одмаздат за тоа што Турција се замешала во американските планови во Сирија, спроведувајќи ја својата операција „Извор на мирот“.
– Оние, чии проекти се разочарувачки, се вртат кон веќе остарени резолуции. Оние, кои веруваат дека на тој начин ќе се одмазадат, грешат. Оваа срамна одлука на оние кои историјата ја користат во политиката, не значи ништо за нашата влада и народ – напиша Чавушоглу на Твитер.
#BarışPınarıHarekatı’yla büyük oyunu bozduk. Projeleri hüsrana uğrayanlar raflardaki köhne tasarılara sarıldılar. Bizden bu yolla intikam alacaklarını sananlar yanılıyorlar.Tarihi siyasete alet edenlerin bu utanç verici kararı; Hükümetimizin ve Halkımızın gözünde yok hükmündedir!
— Mevlüt Çavuşoğlu (@MevlutCavusoglu) October 29, 2019
