Полицијата го уапсила будистичкиот монах кој што е обвинет за сексуално злоставување на деца во познат будистички центар во источна Индија.
55-годишниот монах кој што бил по потекло од Бангладеш, уапсен бил во текот на вчерашниот ден во Бод Гаја, познатиот будистички центар во индиската сојузна држава Бихар.
Од полицијата соопштија дека испитале 15 момчиња на старост од 10 до 12 години од кои што неколку деца на своите родители им се пожалиле на „чудно однесување“ на монахот во будистичкиот центар.
#Bihar: A Buddhist monk of Bodh Gaya’s Prajna Jyoti Buddhist School & Meditation Centre was taken into police custody y’day for allegedly sexually abusing children of the school. DSP Gaya says ‘Children told us they were thrashed,mistreated&sexually abused. We are investigating.’ pic.twitter.com/PyvLtQzZwY
— ANI (@ANI) August 29, 2018
Бод Гаја инаку е познат будистички центар во Индија за кој што се верува дека е местото на просветлувањето на Буда и се наоѓа на околу 100 километри јужно од Патна, главниот град на сојузната држава Бихар.
