Британија деновиве ќе даде дозвола за вакцината на „АстраЗенека“

Британското регулаторно тело најверојатно ќе ја одобри вакцината АстраЗенека оваа недела.

За жал, вакцината, со ефикасност над 90 проценти, беше тестирана само на 2.000 волонтери, и тоа само во возрасна група од 18 до 55 години, рече д-р Кристијан Рамадан, хрватски научник од Универзитетот во Оксфорд, пренесува „Вечерњи лист“.

-Најверојатно, ќе биде одобрена само целосната доза за првата и втората вакцинација, кои штитат од болеста во 62 проценти од случаите, бидејќи истражувањето е спроведено на околу 20.000 волонтери и во возрасни групи, од 56-69 и 70 години и постари, додаде д-р. Рамазан.

За потсетување, директорот на „АстраЗенека“, Паскал Сориот, неодамна рече дека излегле со победничка формула според која ефикасноста на нивниот кандидат ќе биде иста како и кај вакцините на Фајзер или Модерна, но дека тој не може да објави ништо додека не биде официјално потврдено.