Демократите во САД ги осудија заканите на американскиот претседател Доналд Трамп дека ќе испрати војска во градовите и државите за да запрат насилните протести.
Поранешната државна секретарка и кандидат на претседателските избори во 2016 година, Хилари Клинтон, оцени дека станува збор за „застрашувачка употреба на претседателската моќ“.
„Претседателот на САД и нареди на американската армија да употреби солзавец и да пука со гумени куршуми кон мирните демонстранти, како што можев да видам. Тоа е застрашувачка употреба на претседателската моќ против сопствените граѓани. За неа нема место никаде, а не пак во Америка“, напиша Клинтон на „Твитер“.
Tonight the President of the United States used the American military to shoot peaceful protestors with rubber bullets & tear gas them.
For a photo op.
This is a horrifying use of presidential power against our own citizens, & has no place anywhere, let alone in America. Vote.
— Hillary Clinton (@HillaryClinton) June 2, 2020
Поранешниот американски потпретседател и можен демократски кандидат на претседателските избори, Џо Бајден, оцени дека Трамп ја користи американската армија против Американците.
„Тој фрли солзавец кон мирни демонстранти и испука гумени куршуми“, напиша Бајден.
He’s using the American military against the American people.
He tear-gassed peaceful protesters and fired rubber bullets.
For a photo.
For our children, for the very soul of our country, we must defeat him. But I mean it when I say this: we can only do it together. https://t.co/G1yE67q9Nz
— Joe Biden (@JoeBiden) June 2, 2020
Демократскиот сенатор Камала Харис го нарече Трамп диктатор.
„Ова не се зборови на Претседател. Ова се зборови на диктатор“, напиша таа.
These are not the words of a president. They are the words of a dictator.
— Kamala Harris (@KamalaHarris) June 1, 2020
